إلياس العماري:واش المغرب فحاجة ل 39 وزير؟!

في تدوينة على حائطه الفيسبوكي هاجم إلياس العماري الأمين العام لحزب الأصالة و المعاصرة الحكومة الجديدة و كتب:” واش المغرب بالصح فحاجة ل39 وزير ووزير منتدب و كاتب دولة؟”، قبل أن يستدرك “المشكل فالبلاد ماشي العدد والكفاءات هي اللي ناقصانا، وإنما الإرادة السياسية الفعلية لمواجهة المشاكل، والوضوح والشفافية في العمل ديال المسؤولين. اللي ناقصنا هو الإرادة والشجاعة في قول الحقيقة، وماشي الوعود والهدرة اللي شغلها الشاغل هو دغدغة العواطف وشخصنة الصراع والمواقف”.

وأضاف العماري، “هاد 6 شهور وزيادة اللي ضاعت على بلادنا، شكون اللي غيعوض هذا الضياع والخسارة على مستوى الإقتصاد والمالية العمومية وفرص التنمية؟ شحال من فرصة شغل ضيعات لبلاد، شحال من مشاريع غيتأخر الإنجاز ديالها بست شهور على الأقل، شحال ديال الخسائر اللي غيخلصها الشعب على الأموال اللي مسلفة من الداخل والخارج و بقات مبلوكيا كاع هاذ المدة؟”